Estevo Creus Andrade

Publicado en La palabra que sana. el 9 de Agosto, 2006, 16:34 por Inari

Fai un tempo, Alberte prestoume este libro de Estevo Creus, Areados, dixo que me ía gustar moito e así foi. Con el gañou o Premio de Poesía Miguel González Garcés no 96. Teño que dicir, que foi dos poucos libros que viaxou a México desta vez. E aquí anda, dándose a ler a quen queira.

I

Quero
que vos caian na cabeza
un par de tigres.
Que vos anden pola boca todo o día
que vos resoen na cara
que penetren nos vosos ollos
e non saibades por que.
Que vos cansen
que vos abafen
que vos farten
que vos saian da memoria
máis profunda
quizais ás doce en punto
cando ninguén o espera.

Quero que vos caian na cabeza
un par de tigres

así de dolorosos.

NOTA DO AUTOR. DECLARACIÓN DE INTENCIÓNS.